{{authorName}}

{{authorNation}}

{{authorBio}}

Oh Baby!

{{cree_title}}

Traditional birthing practices are alive and well in the Mohawk community of Six Nations.

{{cree_subheader}}

Ne aiontewirón:ni tánon ne ka'nisténshera aión:ton ne sahén:ton… Nè:'e ne naonhà:'a tiorihwanehrákwaht. Nó:nen thí:ken tiotierénhton tentiatátken ne ka'nisténshera tánon owirà:'a… kwah iohrhá:ratst. Sate'shén:naien ahsheia'takéhnha ne konnón:kwe ne akónttoke tsi teionatenoronhkwáhtsheronte, kwah eh nenshonwatiié:ra'se ne ronwatiien'okòn:'a. Rotiié:nas ronwatiien'okòn:'a, rotí:ne, aoti'tá:ra, aotinakeráshera ne thí:ken sok ki' ká:ien ne kí:kén konti'shátste, ioti'nikonhrahní:ron, ioti'nikonhkátste, kwah nè:'e iákwehre aontaiakhina'ké:ren.

Tsi tió:konte kanoronhkwahtsherí:io ratihá:wi, kwah shahotiié:ra.

Participant-Shillene McNaughton-WIOT3 3592

 

 

 

 

Iah thé:nen kahwistóhare tekà:niote tha'tekenì:neren ne ka'nisténshera. Ne aiontátken ne ontate'nisténha nó:nen entewatié:renhte teniontkahkwaríshi, kwah nè:'e naonhà:'a tioiánere. Istá wáhi. Wa'káttoke tsi niwakerihowanà:se ne akwathonwisenhtshera'shòn:'a aiakwè:sheke shonkewiraién:ta'ne tánon tsi iohnhá:tenht tóka' iah tesathonwisenhtsherá:ien tánon í:kehre tsi sótsi wahonhétkenhte tsi nonkwá:ti ne ióthteron ne ratihnarà:ken tsi ní:ioht aionkwawiraién:ta'ne tánon ioiánere wáhi tóka' eh iaonsétewe tsi nón:we ionkhishothokon'kénha tsi.

KK-Laurie Jacobs-WIOT3 3653

Ohén:ton shahón:newe tsi tiotinónshote nón:we wa'otiwiraién:ta'ne. Nó:nen entewathró:ri tsi nahò:ten teionkwà:niote nòn:wa wenhniseraténion, kwah sénha teiotihnió:tahkwe ne wahón:nise. Kwah tokèn:'en wa'otinó:ron sha'otiwiraién:ta'ne tánon nè:'e tsi iah teienákerehkwe ne kí:ken iorihwasé:ha teióntsnie, iah teiotòn:'on nek ahshehnónksa. Thikawenní:io nahò:ten wà:kontste tsi ken' nia'kontí:iere sha'otiwiraién:ta'ne tsi nón:we nikón:ne'skwe. Tsi niiotitshahnihtòn:ne ne onónha.

Shontontáshawen ne énska ioshénsherote tánon tióhton niwáshen niiosherò:tens thò:ne ratihnarà:ken rontétsen'ts wa'onkhíhente. Thò:ne onterihwáhton tsi ní:tsi aiewiró:ko Kaia'tahrè:nen ón:ton ne wennakerá:ton. Ióthteron Kaia'tahrè:nen ón:ton ne wennakerá:ton. Ióthteron ón:ton tsi ní:tsi wa'thontkà:neren sok ohnà:ken nikahá:wi tsi tehshakotitsèn:tha nón:we ó:nen'k tsi ia'otiwiraién:ta'ne sok thò:ne rontétsen'ts tahatiniarotáhrhoke ne akwé:kon. Thò:ne ki' akwé:kon kontiwirókwas wahshakonatkón:ten tánon wahshakotishennaié:sahte. Onhwentsó:kon

niaháhe ne kawirókwen ne korahnéshon. Wa'kaianerensheráksen'ne ne aiewiró:ko. Ótia'ke wahshakotihnhó:ton ó:ni'. Wa'tiotihnerénksi ne konnón:kwe tánon aotiieròn:ta, wa'thotihnerénksi ne ka'níshera tánon owirà:'a. Iah ónhkha tha'teiotì:neren. Ononhà:'a'k tsi wa'otiwiraién:ta'ne. Átste rón:ne'skwe ne ronwatikstenhokòn:'a. Óksa'k ákte' niahshakotiia'ténhawe ne owirà:'a shahonnennákerate. Eh niiohtòn:ne ne aiakowiraién:ta'ne.

Join the conversation ( )

WIOT Magazine encourages respectful, thoughtful discussions regarding its content and Indigenous topics in general. We do not tolerate any comments that are clearly or implicitly racist, violent, or hateful. Personal attacks, insults and defamatory statements will be removed immediately.

And on that note...

{{item.category}}

{{item.title}}

{{item.author.title}}