For many Indigenous students, getting a college or university degree requires that they leave their community and family - sometimes for years at a time. It's no easy feat, and there is always the worry of losing one's language, traditional knowledge, and cultural identity in the process. Luckily, more and more educational institutions are beginning to realize what Indigenous students need. And the students themselves are now speaking out, standing up, and connecting with one another to achieve their personal goals - whatever they may be.
In this edition of 'Words of Wisdom', we're featuring commentary from Waneek Horn-Miller, Lucina Gordon, Morley Hanson, and Melissa Irwin:
Sótsi ioterihwanákere kí:ken ierihwarákwas tsi ionterihwaiénstha Inuit-néshon.
Wà:kehre takkà:ronste ne akerihonnienníhtshera. Wa'katatóntsten nakatíta tekaténsne. Tsi na'tkashéntho tsi tonsakhenonhwerá:ton ne onkwatenro'shòn:'a tánon akhwá:tsire. Wà:kehre akerihwará:ko. Nó:nen í:kehre eh ná:tiere nahò:ten'k, énksha wáhi.
Ó:nen ieióhe aonsetión:ni kí:ken kanakeráshera tokenskehtsherá:kon nón:we. Ne ki' naón:ton skén:nen tsi ní:tsi aietewahtén:ti tsi nonkwá:ti sénha skén:nen ní:ioht.
Iorihowá:nen ne taiontóhetste high school Inuit tsi thatinákere. Jaanimmarik tsi ionterihwaienstáhkhwa iahà:ke. É:so rá:ti rón:ne'skwe kindergarten nón:we Iah eh teshatíhne sha'tehontohetstà:ne high school. É:so teka'nikónhrhare nonkwe'tà:ke tánon nè:'e í:kehre tkarihón:nis. Sewatié:rens enieia'totáhrhe'ne ó:ni ne ratiia'tasé:ha. Onen'tákeri wahotiié:na nakwé:kon. É:so kahwá:tsire ratiniahé:sen thí:ken náhontste a'é:ren ahatihá:wihte tsi nahò:ten tehoti'nikónhrhare. Wentó:re ne taié:taste thí:ken tewahkwatá:ses. Tió:konte akhén:ton shí:kate nonen'tákeri. Kwah katahkwáswenskwe shikeksà:'a. Takatáshawen akhnekì:ra sha'tia'tasé:ha'ne. Tewakhniotátie thí:ken nòn:wa. Sénha aontianerenstén:nike tóka' iah eh tha'taonkwatohétstonke. Sótsi ontié:na thí:ken wa'khnekì:ra, énska shia'ká:ienhte ó:nen'k tsi iontatia'takéhnhas wa'onkwátken'se.
É:so ká:ien nahò:ten enwá:ton enioia'takéhnha ne karihonnién:ni Arctic nón:we.
Ótia'ke nè:'e aó:wen ne tsi nón:we iotenonsha'karí:te ahsi'terón:take néne iah tha'tetionkwe'táhere. Tsi ronatién:ni ne skén:nen tsi nahoti'nikonhro'ténhake tánon tsi nahonnonhnho'ténhake. Tsi enwá:ton ahontéweienste tsi niionkwarihò:tens. Tánon naiákwatste onkwawén:na tsi tionkwanónshote tánon tsi tiakwaterihwaiénstha nón:we.
Waterí:io í:ken. Rón:nehre ne eh nahsia'to'ténhake tsi ní:ioht ne ronónha tsi nihatiia'tò:ten. Tewattíhen waterí:io ne onkwehón:we akorihwà:ke university nón;we. Nè:'e aorì:wa tsi wahonhténtia'te thí:ken kaia'takehnháhtshera tsi enwá:ton ahsheia'tatshén:ri ónhkha tesewatén:ro. Nè:'e wakaterihón:tahkwe McGill shitewatió'te, Takherì:wawa'se tsi niká:ien eh na'akoià:tawen tsi iah teiontaterihwakweniénston.
Tsi nahò:ten katehrhá:rats tsi nonkwá:ti ne Inuit karihonnién:ni? Katkáhthos tsi Inuit enshakotirihónnien ó:ia Inuit Inuktitut nón:we. Tsi ontionkwe'ta'shòn:'a tehontohétstha high school sha'té:ioht ne korahró:non. Tánon tsi ratíshere ohnà:ken tekeníhaton karihonnién:ni. Tsi ní:ioht ne Alaska tánon Norway, katkáhthos university akanonshó:te kèn:tho Arctic nón:we. Nè:'e entkáhawe ne ka'nikonhrahniráhtshera, kakwatshéhtshera, atateweniióshera tánon ne kwah ahsatáttoke. Sénha rati'shátste ne ón:kwe nó:nen sénha enie'shátsten'ne ne tseià:ta.